«Білімге, еңбексүйгіштік пен патриоттыққа ұмтылу»

2022 жылдың 1 қыркүйек күні мектепте Балалар жылына арналған «Білімге, еңбексүйгіштік пен патриоттыққа ұмтылу»  атты  салтанатты жиын болып өтті. Салтанатты жиынға Еңбекші ауылдық округінің әкімі Қ.Сағымбеков, Қоғамдық кеңесінің төрағасы А.Бисаринов және  Алакөл АПб-нің ӘПБ-нің бастығы  полиция  капитаны Қ.Шарипханов  қатысты. Мектеп директоры А.Шарахметова  мерекемен құттықтап, жас  жеткіншектерге  ақ  жол  тіледі, директордың оқу  ісі жөніндегі орынбасары Ж.Өмірсерікова  жаңа оқу жылының басталуы бойынша шығарылған бұйрықпен таныстырды. Биылғы мектеп табылдырығын алғаш аттап отырған 17  жас түлекке «Әліппе» оқулығымен бірге, ауыл азаматы Темірғалиев Жанат Нұрбайұлының демеушілігімен мектеп сумкасы және оқу құралдары  салтанатты түрде тапсырылды. Әліппені жас жеткіншектерге  Еңбекші ауылдық округінің әкімі Қ.Сағымбеков, мектеп директоры А.Шарахметова және 11 сынып білім алушылары тапсырды.